طبعا ميشو بعد ماعرف انها اميره انصدم ..وقال بنفسه..عز الله رحت ملح ..طبعا استغربت الاميره ندى وقالت له ميشو فيك شي؟
هع ميشو بعد انصدم ثانيه لما انطقت اسمه قدامه مو مستوعب
اما بندر وخالد ..فاتحين البلتوث وترقيم عيني عينك..وطبعا المطعم مليان بالبنات والشباب ..وكمان بندر وخالد حلوين وانتو عارفين الزين
ملفت للأنظار ويحب يتلقف هذا اللي صار من خالد وبندر في المطعم ..استهبال مع البنات وضحك
بس طبعا واقفين هع ...فيه كم عائله انزعجت من وجود بندر وخالد مو انهم مسوين رجه لا..بسبب حلاهم فديتهم..وكلن يغار ع خويته او زوجته
هههههههههههههاي من جد الزين مشكله..واحد من الجالسين اتصل ع مين للأسف اتصل على الهيئة !!!!!!!!!! وقال انه فيه شباب يرقمون والخ....
طبعا حرك جيب الهئيه وبندر وخالد مايدرون وش اللي بيصير قدامهم ..والاميره ندى والعنود يسولفون مع بعض ومها وميشو ع اللاب
تدخل الهيئة !! السلام عليكم ورحمة الله وبركاته ..بندر وخالد انصدموووو وقالو ياليله ماعدت على خير..طبعا الهيئة عارفين من بيروحون له
لانهم مبلغين بهذا الشي..جاء المطوع لـ بندر وخالد..طبعا المطوع خاف لما شاف عنده اثنين..جسم وطول ..بس حلوين !!!!!!
وكلمهم وقال لهم وش مسوين بالمطعم..؟ رد عليه خالد قال وش مسوين يعني؟..
الهيئة: جانا بلاغ انكم مسوين ازعاج
خالد: ممكن نعرف من اللي مبلغ عشان نقدر نجاوبك
الهيئة: هذا مايخصك جاانا بلاغ..وانت جاوب وبس
خالد: لا والله ماني مجاوب ع تهمه تبون تحطونها فينا
الهيئة: استغفر الله ..الله يهديك احنا ما نلبس احد تهم
خالد: طيب من اللي بلغ علينا عشان نعرف نجاوب عليك وعلى اللي بلغ
الهيئة: ياليت تجاوبون وش تسون هنا ومشاء الله وش هاللبس
خالد: والله ياغالي انت غلطان واللي بلغ كمان غلطان..
الهيئة: وليه انشاء الله غلطانين وانتو بعد مشاء الله شباب حلوين ولبس حلو
خالد: ليه انشاء الله تبيني البس ايش؟ تبيني البس ملابس وسخه؟ ياخي انه الله جميل يحب الجمال
الهيئة:لا بس انتو مسوين رجه ولو ماسويتو كان ما جينا لكم وتكلمنا معاكم في هذا الشي
بندر: الله يلعنك ياميشووووووووووو
طبعا ميشو ومها وندى والعنود مايدرون عن اي شي لانهم مو قريبين منهم .. والله يعين بندر وخالد يصرفون الوضع
بندر: وبعدين يعني وش بيصير من وراء هالاسطوانه وش تبون؟ طبعا قالها وهو معصب وصلت معه بندر
طبعا الهيئة شوي خافت من أسلوب بندر وهو معصب
الهيئة: نبي نعرف وش سبب جلوسكم هنا وهالرجه اللي مسوينها؟
بندر: رجه قلت اول حاجه ماسوينا رجه ثاني شي اذا فيه رجه خل اللي بلغ يجي قدامنا ويقابلنا..ونعرف كيف نجاوبك انت وهو
الهيئة: شباب جاوبو ولا احنا بنتصرف تصرف ثاني
خالد: وش قصدك تهدد اول مره اشوف هيئه تهدد
االهيئة: انا ما اهدد انتو ريحو اعماركم وجاوبو ع الاسئله
بندر: طيب يا الهيئه احنا هنا نحرس احد العوائل
الهيئه: اها وانا اقول اللبس واحد
خالد: واخيرا طلعت ذكي
بندر: ههههههههههاي
العسكري مع الهيئه: احترم نفسك لاتضحك وتستهبل مع الشيخ
خالد: اسف
الهيئه: طيب وش يضمن انكم تحرسون
خالد: ترا احنا نحرس احم احم
الهيئه: احم احم؟
بندر: شوف انا بتصل على النقيب .....
الهيئه: النقيب ...!!!!! انتو تعرفونه
خالد: اكيد هو اللي مرسلنا عشان نحرسهم
الهيئة: لا مدامكم من طرف النقيب .... على العين والراس واحنا عرفنا ليش انتو هنا ومن تحرسون
بندر: زين عرفتو
الهيئة: بس الله يهديهم حراس وحلوين هذا اللي سبب ضجه لبعض الناس اللي هنا
خالد: وش ذنبنا طيب؟
الهيئة: الله يبارك فيكم فمان الله
خالد+بندر: فمان الله
خالد: هههههههههههاي والله مشى المقلب زي السلام عليكم
بندر: هع ياخي ميشو واللي معاه مو حاسين
خالد: ايه حراس وش يعرفهم اهم شي علينا ماينزعجون اطوال العمار
طبعا ميشو ومها منشغلين في الفتشوب..وندى والعنود سوالف ..شويات ارتفع نظر ميشو فوق..وطالع بعيون ندى وخق شوي
وندى لما شافته..مانزلت عيونها.. وميشو من الخوف نزل عيونه .. والعنود انشغلت بمسج تشوفه..وندى
تطالع بعيون ميشو ..وميشو منزل عيونه وقلبه يرجف..ويقول بنفسه وش سويت ياميشو منت ناقص مشاكل ..
رفع ميشو نظره وشاف ندى تطالع ولانزلت عيونها ..ع سريع نزل عيونه للكمبيوتر..وقال ياليل وش الحل وبدا يعرق شوي...وبدا يمسح
العرق اللي ع وجهه..العنود انتبهت لميشو وهو يمسح وجهه..وجلست تشوف ندى..وندى مبحلقه عيونها..في ميشو..قامت العنود وانقذت ميشو
.وبدت تسولف مع ندى ..والعنود اضحكت واستغربت ندى.. وميشو ارتفع ضغطه لأنه حس ان العنود عرفت بالموضوع..وخوفه من ندى..
طقت الساعة 12 وطلع ميشو ..والاميره ندى ومها والعنود من المطعم .. وخالد وبندر ..ورائهم..والعنود خاقه مع خويلد
وبدت تعطي لمحات لخويلد يفتح بلتوثه ..ورقمها وهو مبتسم وضحتكه بتشقق خدوده لانها صديقه الاميره ندى..وبندر لمحه وهو مرقمها
وقال بندر بنفسه (( ايه ياخويلد تشبكها عشان خويتها اميره ..لنا الله)) وطبعا لما وصلو للسيارات وقبل البنات مايركبن ودعو الشباب ولما ودعوهم
بندر وخالد كاتمين الساعتين اللي كانت راح توديهم بستين داهيه..وخالد بكف على ميشو من اليمين وبندر كمل عليه من اليسار
ميشو :ياكلب انت وياه تقلبون على زعيمكم
..بندر وخالد اجسام واطوال قامو وشالو ميشو وركبوه البانوراما ودزوه دزه محترمه ههههههه
وقالو شوف ياميشو هالمره وعدت ..وبغيت تورطنا مع الهيئه ..
ميشو : ااما هيئه وش صار وش السالفه؟
بندر: قل وش ما صار
خالد: ياحبيبي طبت الهيئه لان واحد غبي مبلغ علينا وقال احنا مسوين رجه بالمطعم آآآآآآآآآآه لو اعرف مين كان انسيه اليوم اللي انخلق فيه
ميشو: اوووف اوف ياساتر هههههههههههههاي ياحبي لكم صارت لكم اجل سوالف
بندر: اضحك وش وراك مع 3 بنات مو حاس في اي شي
خالد: بس على مين ياميشو ترا رقمت العنود هههه هههه ههههاي
ميشو : حركات اي مزيون هذا بلا ابوك ياعقاب بس ع فكره ترا هي كاش يعني انتبه على نفسك
خالد: هذا اللي محليها انها كاش
طبعا خالد وميشو وبندر راحو ورجعو السياره اللي خذاها خالد من صديقه صاحب المعرض..
وركبو مع خالد بسيارته الخاصه..ماركيز2008 اللون اسود ووصل ميشو لبيته
ميشو: اوك بندورتي وخلودتي..اشوفكم على خير باي
خالد+بندر : بحفظ الله
ورجعو من شرق الرياض لشمال الرياض..طبعا تقولو ليش شرق الرياض اقولكم ميشو بيته هناك^_^
وخلودي طاير مسرع يبي يوصل بندر لبيته طبعا هم بنفس الحاره عشان يكلم حبيبة قلبه الجديده عنوده
ووصل لبيت بندر ..ونزله وراح لبيتهم طااااااير
خالد دخل البيت مستعجل يبغى يروح لغرفته عشان يكلم العنود
لقى قدامه امه, وأخته غلا الي دايم ناشبه له في الروحه والجيه وعارفه كل حركاته
خالد:سلام
الأم وغلا:وعليكم السلام
غلا:هيه انت وين رايح ؟
خالد:نعم خير وش تبين ؟رايح انام
غلا:اكيد تعبان من الاسواق والهياته في الشوارع
الام: خلاص ياغلا لاتزعجينه وخليه ينام
خالد:اه فديتك بس يمه بعدين انتي وش دخلك لاتزوجتي حاسبي زوجك
غلا:اقول اذلف بس وربي يايمه ماراح ينام الاالفجر
خالد:اقول كلي تبن بس وانطمي
الام:اوووه انت وياها خلاااااااص فجرتوا راسي خويلد ضف وجهك وروح نام وانتي يالثانيه ولا كلمه
خالد:ههههههههههههههههه وماصدق يخلص من غلا على طول لغرفته
غلا :اااف مخليته ع راحته
دخل خالد لغرفته كانت غرفته مره جنان لونها ازرق واصفر بما انه نصرواي متعصب وكان مرتب ويحب الترتيب في غرفته عكس اغلب الشباب
تمدد على سريره وكان ماسك الجوال بيده قلب بالارقام لحد ماوصل رقمها بينه وبين نفسه :
ياربي ادق الحين ولا.لا زادت دقات قلبه ....لايمكن تكون نايمه ...لا وش تنام اكيد تنتظر اتصالي ....
يالا شورك وهدايت الله ياخويلد ,,,توه راح يدق ,,,دق جواله
خالد:اف هذي بعد وش تبي يا الله خلني ارد واصرفها باي شي
نوال: الو
خالد:هلا حبيبتي
نوال: كيفك حياتي
خالد:كح كح كح احم احم تمام
نوال:حبيبي وش فيك لايكون تعبان
خالد:ايوه حياتي شوية برد وتوي اخذت حبه منومه وبنام
نوال:اوكيه حبيبي اخليك ترتاح..باي
خالد:باي
اف مابغينا جد غثه وربي ماتسوين ظفر العنود
دق خالد ع العنود لقاه مشغول
اها اكيد حبايب غيرنا
رجع دق بعد عشر دقايق سمع صدى جوالها
غايب حبيبي ماوصلني سلامه
مدري لغيابه عذر او شي مقصود
خالد:انشاء الله انسيك حبيبك وابو حبيبك بعد
احد يعرف الكاشات ويغيب عنهم فديتك بس
العنود عرفت رقم خالد ولا ردت
حبت تلعب بعصابه شوي
رجع دق مره ثانيه كمان ماردت وثالثه ورابعه وخامسه بعدين قالت حرام ارد احسن
وبالمره السادسه ردت عليه
وبنعومه:الو
خالد ذاب قلبه عند صوتها
العنود: الوالو
خالد:احم احم السلام عليكم (الولد طالع مؤدب)
العنود حست في ارتباكه وكتمت ضحكتها
وعليكم السلام من معي
خالد في نفسه :تهي تهي هذي البدايه ماجيت ع بالها من حقها من كثر حبايبها
انا ماعرفتيني انا خالد
العنود: خالد مين
خالد وهو متحطم : خوي ميشوقصدي حارس الشيخ ميشو
خالد في نفسه(الله يلعن ميشو صرت حارس له مالت عليه)
العنود: ايوه الحين ذكرت
كيفك واخبارك واخبار ميشو
خالد : تمام
لحظة سكوت بين الاثنين
خالد: وين رحتي
العنود: ما رحت
استنى اسمع صوتك
خالد : ابسالك وجاوبيني بصراحه صوتي حلو؟؟؟؟؟
العنود: هههههههه بنعومه بصراحه صوتك جنان الله لايخلينا منه وحتى شكلك جنان
خالد: تسلمين الا سولفيلي عنك
العنود: اممم انا وحيدة ماما وبابا يعني دلوعتهم وبدرس بالجامعه حبوبه وطيوبه
وملكة جمال احب الانسان الفاهم بالحياة ومايكون معقد وضلت تسولف هي وخالد لحد الفجر
في اليوم التالي
طلع ميشو من غرفته وكان يفكر في الاميره ندى ويقول(آآآآآآه).. وكيف حظه طاح فيها بس كان
خايف منها ومن نظراتها...
دق على خالد وخالد مايرد في سابع نومه
دق على بندر
بندر:هلا
ميشو: سلام كيفك
بندر: عال عال
ميشو:انشاء الله دوووووم بندر وينك فيه؟؟؟
بندر: والله يالغالي الحين برا مع واحد من الشباب نتغدى بمطعم
ميشو:طيب العصر بنطلع للثمامه وش قلت
بندر:صار ياغالي
ميشو: اوكيه فمان الله
رجع ميشو دق على خالد اكثر من مرة يبغى يبلغه بطلعه الثمامه
خالد رد وهو معصب من الي ازعجه بالمكالمات:نعم خير
ميشو:ههههه خير في وجهك يالزول الى الان وانت نايم اذن العصر صحصح
خالد:يااخي انت وش تبي اختصر الموضوع
ميشو:ترى بنطلع احنا والشباب للثمامه بتطلع معنا
خالد:اكيييييييييد مستحيل افوت طلعه للثمامه اوك ضف وجهك بروح اتروش واجهز نفسي وجايكم دغري
ميشو:طيب ترى اذا تاخرت بنمشي عنك باي
سكر خالد من ميشو لقى مسج ع جواله من العنود افتحه
(لو ادري اني في منامي بشوفك
حرام لقضي دنيتي كلها نوم)
خالد: يالبى قلبها وفديت المسجات منها
خالد: خلني اطلع ثقيل واقفل جوالي بعد ما هي خقت معي ..
______،______،______،____
مها جالسه مع امها في الصاله ..وتسولف معاها..
مها: يمه والله الجو رررررررروعه
ام مها : اي والله يابنتي الجو روعه ..وش رايك تتصلي ع الاميره والعنود تطلعون
مها: يؤ يمه تبين تفتكين من بنتك
ام مها: لا يابنتي بس انتي عارفه انكم مشاء الله بنات شابات وانا كبيره ومالي في الطلعات هذي
مها: ممممممم طيب يمه وش رايك نروح الثمامه
ام مها: اي الثمامه حلوه روحي مخيم ابوك تراه فاضي وابوك مسافر واخوانك مسافرين معاه
مها : يؤ يؤ مسافرين ولا علموني
ام مها: هم اسالو عنك وقت ماكنتي طالعه مع ندى والعنود
مها: كشششششش كلها من منصور هو اللي ما اتصل علي ولاقالي اوريه
ام مها: ههههههههاي ياحبكم للهواش انتي واخوانك
مها: اوك مامي بكلم الاميره ندو والعنود
مها: الو
العنود: هلا مهاووووووووووي
مها: ههههه مشاء الله حلوه مهاااااااااااوي شكلك مستانسه
العنود: وفيه احد مايستانس لما يسمع صوت خالد قبل لاينام
مها: ول يالملعونه طرحتيه بشباكك
العنود: اكيد ولا خروف حلو ومؤدب
مها: طيب كلي تبن وفكينا من خالد وش رايك نطلع للثمامه
العنود: امممممممممم ماوراي شغل عادي نطلع نطلع وش قالت لك ندى؟
مها: تو ما اتصلت عليها...
،
،
،
،
،
،
،
،
،
،
ارجو زيارة موقعي لمتابعة..قصة الاميره ندى
تحياتي لكم
اعداد (تاج راسك)
اول قصه واقعيه مني شخصياً
الايميل
ksa@9-graam.com
دردشة
ومنتديات صفحة غرام
جميع الحقوق محفوظة لدردشة ومنتديات صفحة غرام
ولاابـــيح من يسرق الحقوق..سوا اعداد او اسلوب ..او سرقة القصه..او احد اعمالي
اعمالي
الفرق بين الرجل السعودي والاجنبي
اعتزالي من الشات اللي اموت فيه صفحة غرام
الرد على اشاعة انه الايميلات بفلوس!!!
دردشة صفحة غرام شات صفحة غرام صوتي منتديات صفحة غرام
